Edurim Teqja, administratori i kompanisë 3R, që kryente selektimin e mbetjeve në landifillin e Sharrës, punëtor i së cilës ishte 17-vjeçari Ardit Gjoklaj, që gjeti vdekjen brenda vendgrumbullimit të mbetjeve në gushtin e vitit të shkuar, hiqet nga lista e të kërkuarve nga policia.
Sipas asaj që mëson ABC News, meqënëse prokuroria e Tiranës nuk i caktoi masë sigurie në mungesë biznesmenit Edurim Teqja, duke hetuar në gjendje të lirë edhe policia e shtetit e ka hequr nga kërkimi policor.
Me heqjen e emrit nga kjo listë, mësohet se Teqja është paraqitur në prokurori i shoqëruar nga avokati mbrojtës për të dhënë shpjegime për kompaninë, marrveshjen me bashkinë dhe punët që kryente brenda landfillit.
Sipas këtyre burimeve, Teqja ka pretenduar se është i pafajshëm në lidhje me vdekjen e të riut Gjoklaj, duke hequr përgjegjësinë nga vetja për punësimin e tij.
Mësohet se para hetuesve, Teqja ka ngarkuar me përgjegjësi të punësuarit e tij, shtetasin Besnik Braha me detyrën e përgjegjësit të firmës “3R” dhe Dëfrim Hakramën përgjegjësin e turnit. Ai ka thënë se këta dy persona, merreshin me punësimin, mbarëvatjtjen e punës brenda landfilldit dhe kontrollin e punonjësve, me arsyetimin se vetë ai qëndronte në Elbasan.
Nga ana tjetër, për këtë ngjarje vazhdojnë të qëndrojnë në qeli përgjegjësi i turnit Dëfrim Hakrama që dyshohet se ka punësuar 17 vjeçarin Ardit Gjoklaj, si dhe shoferi i eskavatorit Edmond Kollari, që dyshohet se e ka goditur dhe më pas shkelur trupin e të riut brenda landfillit të Sharrës.
Ditë më parë u publikua fotoja ku shihej kryetari i Bashkisë së Tiranës duke drekuar me prokurorin Petrit Fushaj, prokuror i cili ka në hetim çështjet për të cilat akuzohet qytetari i parë i Tiranës.
7 shkeljet për të cilat PD akuzon Veliajn:
1- ”Shpërdorim detyre” neni 248 KP
2- “Shpërdorimi i kompetencave” neni 164 KP
3- “Punësimi i paligjshëm” neni 170/a KP
4- “Mosmarrja e masave për të ndërprerë gjendjen e paligjshme” neni 251 KP
5- “Shpërdorimi i kontributeve të dhëna nga shteti” neni 256 KP
6- “Përfitimi i paligjshëm i interesave” neni 257
7- “Shkelja e Barazisë së pjesëmarrësve në tendera apo ankandeve” neni 258
Ndërkohë familjarët e Gjoklajt kërkojnë drejtësi për humbjen e 17-vjeçarit duke kërkuar vendosjen para drejtësisë së përgjegjësve. (A.R/SHUPLAKA)
Discussion about this post