Vdekja e 34 vjeçarit brenda në pusetë në Shkodër, arrestohet përgjegjësi i UKT-së

Në Shkodër është arrestuar përgjegjësi i ujrave të zeza në Ndërmarrjen e Ujësjellës Kanalizime, Preke Toma për vdekjes e punonjësit  34 vjeçar ditën e djeshme. 

Po kështu  janë prceduar në gjendje të lirë,  Y. R. 64 vjeç, banues në Shkodër, me detyrë inxhinier në Ndërmarrjen Ujësjellës kanalizime Shkodër dhe  L.P,  52 vjeç, banues në Shkodër , me detyrë drejtues teknik në Ndërmarrjen Ujësjellës Kanalizime Shkodër.

Ditën e djeshme ka humbur jetën 34 vjeçari me Kleotos Çeliku dhe është plagosur 56 vjeçari me iniciale Gj.Gj. 

Kleotos Çeliku mbeti i vdekur pasi hyri në një pusetë me thellësi rreth katër metra. Ngjarja ka ndodhur në lagjen “Guerrile”, gjatë kohës që 34- vjeçari po kryente pastrimin e pusetës së bllokuar.

DETAJE:

Më datë 14.07.2017, në lagjen “Partizani ” Shkodër , në vendin e quajtur pranë “Kolegjit Turk” , ndërsa po punonin në një kolektor të ujrave të zeza, ka humbur jetën shtetasi K. Ç, 34 vjeç, banues në Golem – Shkodër si dhe është plagosur shtetasi Gj.Gj, 56 vjeç, banues në Shkodër. Në përfundimin të veprimeve hetimore , u bë arrestimi në flagrancë i shtetasit Preke Toma, 48 vjeç, banues në Shkodër, me detyrë Përgjegjës i ujrave të zeza në Ndërmarrjen e Ujësjellës Kanalizime Shkodër . 

Gjithashtu u proceduan në gjendje të lirë shtetasit: – Y. R. 64 vjeç, banues në Shkodër, me detyrë inxhinier në Ndërmarrjen Ujësjellës kanalizime Shkodër – L.P. 52 vjeç, banues në Shkodër , me detyrë drejtues teknik në Ndërmarrjen Ujësjellës Kanalizime Shkodër.

Proçedimi penal ndaj këtyre shtetasve filloi pasi nuk kanë marrë masat e sigurimit teknik të percaktuar nga legjislacioni në fuqi si dhe nuk i kanë pajisur me masa mbrojtëse. Materialet i kaluan Prokurorise se rrethit Gjyqësor Shkodër për vepren venale ” Shkelje e rregullave të mbrojtjes në punë ” parashikuar nga neni 289/1 i Kodit Penal. (J.V/Shuplaka)