Për vdekjen tragjike të vajzës 7-vjeçare në spitalin e Durrësit ka dalë në një deklaratë Shefi i Pediatrisë të spitalit të Durrësit, Fatmir Shahini.
Fatmir Shahini, tha e paraprakisht dyshohet që vajza të ketë pasur formën më agresive të gripit, atë toksik.
Mësohet se është nisur ekipi i ministrisë së Shëndetësisë nga Tirana për kontroll urgjent mbi rastin, për verifikimin e kartelës së vogëlushes.
“Fax News” raporton vajza ka shkruar me shqetësime gripi në spital dhe aty ka ndërruar jetë. “Vajza ishte dy ditë me grip nuk arrinte të ushqehej. Mjekët u përpoqën ta shpëtonin por vajza kaloi në koma.” shprehen prindërit.
Mësohet se vajza ka pësuar hipotermi, nga temperatura e lartë ka pësuar rënie të menjëhershme të temperaturës. Kështu të paktën deklarojnë mjekët e spitalit të Durrësit pas ngjarjes së rëndë. Ajo ka qëndruar prej dy ditësh në spital.
Vogëlushes nuk i është bërë autopsia pasi nuk kanë pranuar familjarët e saj.
Vajza është banore lagjes numër 1 të qytetit të Durrësit. Nga ana tjetër policia vijon hetimet për zbardhjen e plotë të rrethanave dhe shkaqeve. (J.V/Faxweb)
Discussion about this post