Për ndarjen nga jeta të 7-vjeçares në Durrës ka folur shefi i Pediatrisë Fatmir Shahini. Ai është shprehur se vajza ka mbërritur në spital me shenja hipotemie. Mjeku Shahini është shprehur se për këtë rast kanë nevojë për ndihmën e ekspertëve.
“Vajza na erdhi në gjendje hipotemie. Fëmija në spital ka ardhur pa ndjenja. Mjeku i rojes bëri vlerësmin maksimal. Në këtë moment filloi të merret edhe mjeku i rojes. Nëna vuante dhe nga diabeti. Virusi forma e rëndë që kishte fëmija. Jeta lind në duart e mjekut dhe përfundon në duart e mjekut. Është rast i veçantë. Me gjithë ndërhyrjen intesive. Nuk ja dolëm. Kemi nevojë për mendimin e ekspertëve”, është shprehur shefi i Pediatrisë për “Fax News” Fatmir Shahini. Sipas tij është rasti i parë i një vdekje të kësaj natyre.
Familjarët nuk kanë pranuar që vajzës t’i bëhet autopsia. Ata janë shprehur se në spital vajzën e kishin çuar pasi ishin në gjendje gripi. (J.V/Faxweb)
Discussion about this post