Për ndarjen nga jeta të Bajram Rexhepit ka shprehur ngushëllimet edhe kryeministri Edi Rama. Sipas Ramës Rexhepi ishte një shqiptar i ndershëm dhe patriot.
“Bajram Rexhepi ishte një shqiptar i ndershëm dhe patriot. Një burrë i thjeshtë që i bëri nder Kosovës në çdo detyrë dhe i bën sot të ndjehen të ligështuar për humbjen e tij, jo vetëm miqtë po edhe të gjithë ata që politikisht ishin në llogore të tjera nga e tija. Ai i’a doli aty ku shumëkush nuk i’a del dot: La pas një kujtim të mirë tek të mëdhenjtë e tek të vegjëlit. Lamtumirë mik i mirë!”, shkruan Rama.
Rexhepi ka vdekur sot në orët e hershme të mëngjesit. Ai prej muajsh ndodhej në koma dhe ishte duke qëndruar në njërin prej spitaleve në Turqi pas hemoragjisë cerebrale që kishte kaluar në tru.
Ai fillimisht ishte shtruar në Qendrën Klinike Universitare të Kosovës ku edhe i është nënshtruar operacionit mirëpo për shkak të gjendjes së rëndë ishte transferuar në Turqi. (J.V/Shuplaka)
Discussion about this post