Vdekja e Florenc Beqirit, përfaqëses të Presidencës vizitë në familje: Jemi në kontakt me autoritetet franceze për të sjellë trupin

Në familjen e të ndjerit Florenc Beiqirit në Shkodër kanë shkuar për vizitë përfaqëuses të Presidencës për të shprehur ngushëllimet.  Në banesën e 23-vjeçarit ndodhen Tedi Blushi dhe Ylli Asllani. Ata janë takuar me familjarët dhe iu kanë shprehur atyre ngushëllimet.

“Presidenti që ditën e parë është informuar për rastin e Forencit. Në emër të tij kemi ardhur për t’u shprehur ngushëllimet. Kemi mbajtur kontaktet me autoritete shqiptare dhe franceze për sjelljen e trupit por dhe zbardhjen e të vërtetës për rrethanat e ngjarjes”, janë shprehur ata. 

Nëna e të ndjerit ka hedhur akuza të forta ndaj shtetit francez duke u shprehur se i kanë vrarë djalin. “Kërkoj drejtësi, dua trupin e Florencit në Shqipëri. Florencin e ka vrarë policia franceze. Tubin ia kanë hequr djalit kur babai ka qenë jashtë”, është shprehur e ëma Laureta Beqiri për “Fax News”. 

Sot janë ngritur në protestë qytetarë, miq dhe familjarë të  Florenc Beqirit ku ata kërkojnë drejtësi dhe kthimin sa më parë të trupit në familje. (J.V/Faxweb)

https://www.youtube.com/watch?v=08FtwDT6zww