Vdekja e kompozitorit të madh që nxori bllof Marina Vjollcën dhe ‘’Klanin” (VIDEO)

Jo pak herë televizionet në vendin tonë duke u përpjekur që të thonë se çdo transmetim është ‘’live” kanë dalë bllof.

Sa për faktin që në të njëjtën ditë shohim në të njëjtën orë personazhe të njëjta në disa ekrane dhe sa për faktin që rrjetet sociale i nxjerrin zbuluar përpara sesa të shfaqen në ekran personazhet.

Rasti më i fundit dhe më flagrantë ishte ai dje. Ndërkohë që titrat e televizioneve informative njoftonin ndarjen nga jeta të kompozitorit të madh Aleksandër Lalo, në ‘’Tv Klan” ai ishte duke u shfaqur si kryetar i jurisë në ‘’C’est la vie”.

Marina nga ana tjetër thoshte se ishte ‘’Live” dhe video më poshtë e sqaron këtë. Kjo ngjalli konfuzion në rradhët e publikut, të cilët shkruanin në komentet e rrjeteve sociale se s’ka mundësi që Lalo të kishte ndërruar jetë pasi po e shihnin ‘’Live” në ekran.

Televizioni u detyrua që të ndërpriste transmetimin e emisionit, duke sqaruar se ‘’C’est la vie” ishte me regjistrim dhe se kompozitori i madh Aleksandër Lalo kishte ndërruar jetë.

Vetë Marina ka shprehur ngushëllimet për humbjen e tij pak minuta pas mbylljes së transmetimit të emisionit.

(E.K/Faxweb)

 

Po pra e dashur Marina jeni 100% Live… U desh vdekja e të madhit Aleksandër Lalo që të vërtetohet se sa mashtron ekrani. Nuk e kuptoj përse e shet diçka që nuk është live, si të tillë! Ore kaq mashtrime ordinere u bëni njerëzve? #cabonedaku

A post shared by cabonedaku?? (@cabonedaku) on Nov 19, 2017 at 2:11pm PST