Ditën e djeshme ka ndërruar jetë në maternitetin e Kukësit, një nënë së bashku me fëmijën e saj të palindur ende.
Policia ka nisur hetimet në lidhje me këtë ngjarje të rëndë, ndërsa sot ka reaguar drejtori i spitalit të Kukësit, Ismet Nika.
Nika është shprehur për Fax News se pacjentja kishte tentuar të dëmtonte vetë disa herë barrën në shtëpi dhe ka mbërritur në gjendje shumë të rëndë, për këtë arsye ka qenë I pamundur shpëtimi i saj.
“Pacientja me inicialet N.P, 39 vjeçe u paraqit në urgjencën e maternitetit Kukës, më dt 11.3.2018,në gjendje të rëndë shëndetësore, me diagnozën fetus morti me laceracion dhe rupturë të shprehur të uterusit.
U reanimua dhe u ndërhy menjëherë në sallën e reanimacionit nga ekipi i mjekëve gjinekologë, kirurgë dhe anestezistë reanimatorë, ku bënte pjesë edhe mjeku kirurg nga Tirana, i cili po jep shërbim në spitalin e Kukësit përmes programit të bonusit.
Pacientja ka tentuar disa herë në shtëpi të dëmtojë barrën për shkak të problemeve sociale dhe është paraqitur në spital të gjendje të rënduar me hemoragji të shprehur.
Gjatë ndërhyrjes kirurgjikale ka vijuar gjendja e rëndë e pacientes të cilës gjatë kësaj kohe i është dhënë 5 njësi gjak dhe 3 njësi plazëm por ka qenë pa puls periferik gjatë gjithë kohës.
Pavarsisht përpjekjeve të medha të ekipit mjekësor e sëmura ndërroi jetë në orën 01:30,”- është shprehur drejtori i spitalit.
Familjarët kanë kërkuar hetimin e vdekjes së Nurije Poçit, 40 vjeçe dhe foshnjes së saj, ndërsa mjekësia ligjore ka shkuar për të bërë hetimet.
Gruaja do të sillte në jetë fëmijën e 7-të, por e ka lindur të vdekur, ndërsa ka humbur jetën edhe ajo vetë.
(F.M/Faxweb)
