Në qytetin e Fierit është ndaluar nga policia inxhinieri i Drejtorisë së Ujësjellësit në këtë qytet. Ai është ndaluar nga policia pas vdekjes së një punonjësit me iniciale P.T.
Sipas policisë, Vasil Marko nuk ka marrë masa për sigurimin teknik të punonjësve në lidhje me disa punime që po kryenin për riparimin e tubacioneve të dëmtuara të Ujësjellësit.
“Më datën 10.06.2017, në fshatin Kafaraj, duke punuar në tubacionin e ujësjellësit është shembur traseja me përmasa 3×4 metra dhe me thellësi 2.7 metra dhe për pasojë është dëmtuar e më pas ka ndërruar jetë në Spitalin Rajonal Fier shtetasi P.M, 57 vjeç, banues në fshatin Frakull e Madhe, Fier”- thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Fier për veprën penale “Shkelje e rregullave të mbrojtjes në punë”. (J.V/Shuplaka)
Discussion about this post