Aida Çajka 35 vjeçe, ndërroi jetë më 16 shtator të këtij viti, pak pasi u tha se foshnja kishte lindur e vdekur. Viktima ishte në muajin e nëntë të shtatzënisë dhe për pak ditë do të sillte në jetë vajzës e saj. Rasti u komentua gjatë në media për shkak të sorollatjeve të shumta me të cilat u ndeshën shtatzëna dhe të afërmit e saj.
Pas katër muajsh, që nga humbja e jetës së motrës, sot vëllai i saj Fation Omuri ka treguar sesi kanë kaluar këto muaj të vështirë për të dhe familjen e tij.
Në një intervistë për gazetën ‘Dita’ 27 vjeçari nga Kukësi shprehet se prej 8 vitesh jeton në Itali dhe jeta në vetvete nuk i ka ndryshuar por i ka ndryshuar të jetuarit.
‘Jeta është bërë shumë e zymtë, njëfarë boshllëku që vështirë të mbushet’- shprehet Fationi.
Fationi gjithashtu tregon se beson tek ekspertiza e re.
”Është kërkuar një ekspertizë e re nëpërmjet të cilës shpresohet të arrihet në konkluzionin: nëse ajo çfarë është bërë a ishte ajo çfarë duhet të ishte bërë,? Në shenjë qytetarie dhe bindje të plotë civile nuk mund të shtoj asnjë fjalë më shumë për një process gjyqësor që është akoma në hapat e tij të parë”.-thotë Fationi.
Marrëdhënien me motrën ai e konsideron vërtet të veçantë dhe nuk di sesi ta mbush boshllëkun e këtyre 4 muajve mungesë.
‘’Aida ishte 8 vjet më e madhe. I yni ka qenë një raport klasik i atyre të rriturve në varfëri, ku njeriu është e vetmja gjë që ke,’’ -thotë 27 vjeçari. (M.D/SHUPLAKA)
