Ministria e Shëndetësisë ka zbardhur detajet për vdekjen e 73-vjeçares për shkak të gripit.
Sipas ministrisë, 73-vjeçarja me iniciale Z.R ishte diagnostifikuar me “Insuficensë respiratore”.
Kjo është viktima e tretë e konfirmuar nga Ministria e Shëndetësisë, që ka humbur jetën si pasojë e gripit AH3N2.
E moshuara ndërroi jetë orët e para të mëngjesit të sotëm në ambientet e spitalit “Shefqet Ndroqi” në kryeqytet.
Njoftimi:
“Ministria e Shëndetësisë informon se pacientja Z. R., 73 vjeç, nga Kukësi, e shtruar në Spitalin Universitar “Shefqet Ndroqi” më datë 08/01/2017, me diagnozë “Tromboemboli Pulmonare Bilaterale, SPOK, stadi i katërt, dhe me Insufiçencë Respiratore,” e cila, në përgjigje të mostrave ekzaminuara nga ISHP ka rezultuar pozitive për virusin e gripit të stinës AH3N2, ka ndërruar jetë në orët e para të ditës së sotme.
Ky është rasti i tretë i konfirmuar, pas dy rasteve të raportuara në dt. 5/1/2017 nga Ministria Shëndetësisë për persona që kanë ndërruar jetë, të cilët, përveç sëmundjeve të tjera, kanë rezultuar të prekur edhe nga virusi i gripit të stinës”. (D.D/Shuplaka)
