Aksidenti me pasojë vdekjen e 17-vjeçarit, Kristi Panajotit në Vlorë, ka ndërgjegjësuar qytetarët për rrezikun që u kanoset nga infrastruktura e parregullt e rrugëve.
Shumë qytetarë ndihen të rrezikuar sidomos për mënyrën se si po kryhen punimet për Lungomaren.
Pas urimit për “Festën e Pavarësisë” në Facebook, të kryetarit të bashkisë së Vlorës Dritan Neli, të shumtë kanë qenë ata që kanë nisur kritikat.
“Ti do festosh se nuk ishte yt bir në atë gropë mbrëmë. Si nuk keni turp!! Drejtësia vonon por nuk harron”, shkruan një nga qytetarët e indinjuar.
Të tjerë e kanë akuzuar kryebashkiakun e tyre që nuk po e bën punën siç duhet, madje disa kanë kërkuar që ai të japë dorëheqjen.
Pavarësisht se Leli u mundua të mbulonte pakënaqësinë e qytetarëve duke fshirë disa prej komenteve, në fakt arriti një efekt të kundërt. Qytetarët vijuan me komente akoma më të ashpra.
Discussion about this post