Që prej vdekjes së turistes 16-vjeçare ruse që u përplas nga një mjet lundrues Policia kufitare ka vendosur pezullimin e lundrimeve të të gjitha mjeteve ujore.
Vendim ky që është pritur me protesta në qytetin e Durrësit. Pronarët e këtyre mjeteve kanë deklaruar se kanë marrë paralajmërime të prera nga policia kufitare, ndonëse jo me shkrim, ku iu bëhet e qartë se në rast të nxjerrjes së mjeteve në det, do të gjobiten,
Subjektet në fjalë e konsiderojnë të padrejtë këtë paralajmërim për aq kohë sa kanë një licensë nga bashkia e Durrësit.
“Kemi marrë lejet përkatëse, i kanë stacionet e motorëve të ujit, por nuk lejohemi të ushtrojmë aktivitetin tonë. Demi që na bëhet është shumë i madh”,- shprehet njëri nga pronarët për ‘’Neës 24”.
Ata kërkojnë me ngulm anulimin e vendimi dhe të nisë aktiviteti që iu është bllokuar prej dy javësh.
(E.K/SHUPLAKA)
Discussion about this post