Me vendim të Keshillit të Ministrave, dita e premte, datë 10 Maj 2019 shpallet ditë zie kombëtare në nderim të nëntetares Zarife Muharrem Hasaj, rënë në krye të detyrës gjatë misionit të saj jashtë vendit.
Sipas këtij vendimi, në të gjitha institucionet shtetërore flamujt do të ulen në gjysmështizë dhe në orën 12 do të mbahet një minutë heshtje.
Efektivja e Forcave të Armatosura të Shqipërisë Zarife Hasanaj ka humbur jetën në Letoni tre ditë më parë, ndërsa komandanti i kontigjentit, Major Klodian Tanushi, dhe rreshter Julian Kapaj kanë mbetur të plagosur. Shkak për këtë ngjarje të rëndë dyshohet se është bërë shpërthimi i një mine.
Efektivët e forcave të armatosura kanë qenë pjesë e misionit të NATO-s për demontimin e armëve dhe minave në Letoni.
Nderkohe gga informacionet është bërë e ditur që gjendja e major Klodian Tanushin është tejet e rëndë (lexo ketu).
Edhe pse mjekët e shpitalit në të cilin ai po merr ndihmën mjekësore janë duke bërë të pamundurën, shpresat për majorin janë të pakta.
Ai është babi i 3 fëmijëve këtu në Shqipëri, më i vogli prej tyre 5 muajsh.
Ndërkohë që Tanushi gjatë karrierës së tij ka kryer detyra si Komandant Toge, Komandant Kompanie, Shef Seksioni, Specialist Operacionesh. Aktualisht me detyrë Komandant i Togës së pare të EOD, tashmë prej 6 muajsh ishte në shërbim në Letoni si major.
Kujtojmë që një ditë pas ngjarjes ministrja Xhaçka ka shkuar në Letoni ku dhe ka takuar dy të plagosurit.
(F.GJ/FAXWEB.AL)
Discussion about this post