Arjan Hoxha, ish-drejtues policie ka qenë i ftuar sot në studion e Faxnews, për të folur në lidhje me vdekjen e 5 të rinjve shqiptar në Gjermani, në kantierin e ndërtimit.
Për gazetaren Rovena Neziri, Hoxha tha se ata punonin me kontrata sezonale dhe se jetonin në kushte të vështira, të cilat i ka parë vetë ai.
Hoxha shtoi madje se ka qenë i vështirë identifikimi i dy prej shqiptarëve, për shkak të dëmtimeve që kishin marrë. Ndërsa kërkoi më shumë sensibilizim, për rastin në fjalë.
“Fatkeqësisht ishin mosha të reja të gjithë. Shpreh ngushëllimet e mia për këto familje. Kjo tragjedi është ndër më të mëdhatë në Gjermani, për mungesën e kushteve të sigurisë në punë.
Numri i punonjësve aty është shumë i lartë. Aludohet se nga mbingarkesa në këto skele, nuk kanë arritur që të mbajnë peshën e tyre dhe për pasojë humbën jëtën 4 shqiptarë menjeherë dhe një tjetër në spital. Unë mora rastin për të afërmin tim. Të gjithë këta djem të rinj, unë pashe dhe ku jetonin, në kushte mizerabël. Hotel i thëncin, nga një shtrat kishin, asgjë tjetër. Ishin kushte skandaloze, kishin kontrata provizore pune, me efekt 6 mujor. Nuk është e vërtete që kanë qenë me dokumenta bullgare. Institucionet tona kanë heshtur, ju siguroj për këtë. Mosha e tyre ka qenë nga 23-33 vjeç. Ka qenë shumë i vështirë identifikimi i tyre, në dy raste për shkak të dëmtimeve. Nuk kam parë një solidaritet, se ato janë familje në nevojë të gjitha”- u shpreh ai.
Discussion about this post