Janë zbuluar së fundmi fakte të reja, që kanë hedhur dritë mbi aksidentin e avionit, ku humbi jetën Emiliano Sala, trupi i të cilit u gjet para pak kohësh, kurse piloti Ibotson rezulton ende i humbur.
Dega e hetimeve të aksidenteve ajrore ka publikuar një raport mbi aksidentit e avionit të Sala. Hetuesit shprehen se avioni humbi kontrollin dhe ra në det i ndarë në 3 pjesë. Ende nuk është gjetur pjesa e bishtit. Nga ky rasport mësohet se piloti është përjekur të reagojë, por pa mundur ta evitojë rënien, që rezultoi fatale.
Po mësohet gjithashtu se piloti nuk kishte kualifikimin e duhur për të udhëtuar në kushte të vështira, aq më tepër gjatë natës. Ibotson nuk kishte licencën komerciale, por vetëm atë private. Megjithatë, dega e hetimeve të aksidenteve ajrore në fund thekson se në përfundim të hetimeve do të publikojë shkakun, që solli në përplsjen e avionit “Pajper Malibu”, shkruan vipsport.
Kërkimet për trupin e pilotit Ibotson nuk kanë rezultuar efektive deri në këto momente, ndërsa familjarët dhe shumë futbollistë janë solidarizuar për të financuar vazhdimin e kërkimeve.
Discussion about this post