Gjatë 24-orëve në Greqi kanë humbur jetën edhe dy persona të tjerë nga Covid-19 dhe numri total i viktimave ka shkuar në 83. Ndërkohë autoritetet vendase kanë bërë me dije se gjatë këtyre orëve janë infektuar 52 raste nga sëmundja vdekjeprurëse.
Tashmë në vend numri i përgjithshëm i të infektuarve ka shkuar në 1884. Deri më tani bëhet me dije se janë shëruar 269 persona ndërsa janë intubuar 84 pacientë. Në Greqi janë kryer gjithsej 32.500 teste.
Nderkohë numri i viktimave nga koronavirusi në Maqedoninë e Veriut ka shkuar në 30 ku gjatë 24-orëve të fundit kanë humbur jetën 4 persona.
Këtë e ka bërë të ditur Ministria e Shendetesise e cila ka njoftuar se janë regjistruar edhe 18 raste të reja me Covid-19. Në vend numri total I të infektuarëve ka shkuar në 617 ku vendi më i prekur është Shkupi.
Ndërkohë bëhet me dije se janë shëruar plotësisht 35 persona.
Discussion about this post