“Vdes Ismail Kadare. Ministrja e Kulturës Elva Margariti më konfirmoi në telefon lajmin e vdekjes së shkrimtarit të jashtëzakonshëm Ismail Kadare”, ky ka qenë një mesazh i shpërndarë në në Tëitter, në adresën e ministres së re të Kulturës, Rinisë dhe Sportit në Kosovë Vlora Dumoshi, kanë alarmuar mbarë opinionin publik.
Por menjëherë ka reaguar ministrja e cila sqaron se ka rënë pjesë e një sulmi kibernetik dhe se do e denoncojë rastin në polici. Ajo shton se ndjen keqardhje për këtë lajm, që është bërë duke keqpërdorur emrin e saj.
“Sapo u njoftova se dikush ka hapur një llogari të rrejshme në emër timin në rrjetin social Tëitter dhe të njëjtën e ka keqpërdorur, duke lëshuar lajme të rrejshme -fake news.
Dua të ju informoj se unë nuk kam asnjë llogari në Tëitter. Menjëherë do ta paraqes rastin në Policinë e Kosovës, departamentin e krimeve kibernetike. Dëshiroj të shpreh keqardhjen time për këdo që mund të jetë trazuar nga këto lajme të rrejshme, duke keqpërdorur emrin tim”, shkruan Dumoshi në facebook.
Sqarojmë se shkrimtari Ismail Kadare është shëndoshë e mirë në Francë, ndërkohë që pak ditë më parë festoi dhe 84 vjetorin e saj.
Discussion about this post