Vdes në aksident rrugor i riu shqiptar në Itali, ishte duke udhëtuar me motorr

Një 31-vjeçar shqiptar ka vdekur pasditen e sotme në një aksident të ndodhur në zonën e Monopolit, në Bari.

Sipas mediave italiane, 31-vjeçari nga Shqipëria ka gjetur vdekjen si pasojë e një përplasje kokë më kokë mes dy mjeteve.

I riu shqiptar ka qenë duke udhëtuar me motor, ku pas përplasjes ka humbur kontrollin duke u shkëputur nga motori dhe ka përfunduar në mes të rrugës, drejt në asfalt, nga ku është shtypur edhe nga një makinë tjetër, duke i marrë edhe jetën.

Sipas policisë italiane, nuk mund të bëhej asgje pasi 31-vjeçari shqiptar kishte gjetur vdekjen e menjëhershme në vendin e ngjarjes.