Vdes në rrethana të dyshimta biznesmeni në Vlorë, bashkë me të në makinë edhe një femër (DËSHMIA)

Bukurosh Malaj është biznesmeni nga Vlora që ka ndërruar jetë pas një aksidenti në rrethana të mistershme.

Dyshimet janë shtuar edhe më shumë pas dëshmisë së një femre që ndodhej në makinë me të në momentet kur ka ndodhur aksidenti.

Famija e të ndjerit kërkon hetim të thellë të ngjarjes pasi sipas tyre nuk ka qenë aksidentale, raporton gazetari Enrik Mehmeti.

Sipas femrës që ka qenë në makinë me Maljan, biznesmeni ka qënë duke udhëtuar, kur është përplasur nga një kamion dhe ka marrë plagë të rënda në kokë.

Kjo e fundit ka njoftuar policinë, ndërsa biznesmeni është dërguar me urgjencë në Tiranë, ku ka qëndruar për tre ditë në koma, ndërsa mbrëmjen e djeshme ka ndërruar jetë.

DËSHMIA E SHOQËRUESES
Shoqëruesja e biznesmentit ka deklaruar në polici se ka qënë duke udhëtuar me biznesmenin kur ky i fundit ka nxjerrë kokën nga dritarja e makinës. Pikërisht sipas saj, ky ka qënë momenti fatal, pasi e ka përplasur një kamion. Ajo ka njoftuar menjëherë policinë dhe biznesmeni i ndjerë është transportuar me urgjencë në spital.

DYSHIMET E FAMILJARËVE
Familjarët e biznesmenit që kishte një Fast-Food në qytetin bregdetar thonë se kanë dyshime për aksidentin, pasi makina e këtij të fundit nuk ka asnjë lloj shenje. Ata kërkojnë hetim në thellësi të kësaj çështje dhe nuk duan që organet përkatëse ta trajtojnë thjesht si një aksident. Prej disa kohësh, sipas tyre biznesmeni nuk jetonte me bashkëshorten.

(E.K/SHUPLAKA)