Vdes në Spitalin e Traumës i aksidentuari në Pogradec, arrestohet 25-vjeçari nga Tirana

Ka ndërruar jetë në Spitalin e Traumës në kryeqytet, 68-vjeçari i aksidentuar në Pogradec i cili po udhëtonte me bicikletë ndërsa është përplasur nga një makinë me drejtues një 25-vjeçar banues në Tiranë.

Policia njofton se i moshuari shtetasi me inicialet B.XH., ishte nisur drejt Tramës për mjekim më të spacializuar por nuk ka mundur t’ju mbijetojë plagëve. Nga  ana tjetër ka arrestuar drejtuesin e mjetit që ka shkaktuar aksidentin e rëndë, 25-vjeçarin me inicialet R.A., banues në Laprakë, Tiranë.

Njoftimi i policisë:

Në vijim të informacionit paraprak datë 15.12.2019, i cili bën fjalë për një aksident rrugor të ndodhur në hyrje të qytetit të Pogradecit, informojmë se specialistët e Sektorit për Policinë Rrugore, bënë arrestimin në flagrancë të shtetasit:

• R.A., 25 vjeç, banues në Laprakë, Tiranë.

Shtetasi i mësipërm, duke drejtuar mjetin tip “Vol­ksëagen” ka aksidentuar shtetasin B.Xh., 68 vjeç, banues në fshatin Vërdovë, Pogradec, që po lëvizte në rrugë me biçikletë, i cili pas trajtimit në Spitalin e Pogradecit është dërguar për mjekim të specializuar në Spitalin e Traumës Tiranë, ku ka ndërruar jetë.

Materialet i kaluan Prokurorisë pranë Gjykatës së Shkallës së Parë Pogradec për veprën penale “Shkelja e rregullave të qarkullimit rrugor”.

(F.GJ/FAXWEB.AL)