Mëngjesin e sotëm dy të moshuar humbën jetë si pasojë e asfiksisë në azilin në Poliçan. Menjëherë pas kësaj janë pezulluar nga puna drejtoresha e kësaj qendre dhe dy kujdestare.
Nuk dihet se cila është akuza që rëndon mbi to, po hetimi i ngjarje do të tregojë edhe përgjegjësit.
NGJARJA:
Një zjarr që ka rënë në shtëpinë e të moshuarve në Poliçan ka rezultuar fatale për dy prej tyre.
Ka qenë një batanije ajo që ka marrë flakë fillimisht dhe më pas tymi ka asfiksuar dy të moshuarit. Dy personat që kanë ndërruar jetë janë identifikuar si T.S 84 vjeç dhe M.K 81 vjeç.
Kur u duk se dimri tashmë kishte kaluar, i ftohti dhe nevoja për të pasur një ngrohëse në dhomë duket se ka qenë fatale për dy të moshuarit.
Ndërkaq policia e Beratit ka shkaur në vendngjarje dhe po punon për zbardhjen e plotë të shkaqeve që kanë çuar në këtë ngjarje fatale. (E.K/SHUPLAKA)
