Drejtori i Policisë së Shtetit ka qenë i paranishëm për inspektim në jug të vendit ku janë ngritur postblloqet në zonat e gjelbra për të ndaluar futjen e qytetarëve nga zona të tjera, që kanë regjistruar rste me persona të prekur nga Covid-19.
Veliu shprehet mes të tjerave se futja e qytetarëve në det është rreptësisht e ndaluar, deri në një njoftim të dytë.
“Pas inspektimit të pikave të kontrollit në Gjirokastër dhe në Llogara, jemi në zonën e gjelbër. Për qytetarët e kësaj zone, fasha orare për lëvizjen nuk duhet keqpërdorur. Kjo mundësi e dhënë veç ndërgjegjësimit të qytetarëve do të monitorohet edhe nga Policia e Shtetit.
Qytetarët të jenë të ndërgjegjshëm që kjo situatë stabël në zonat e gjelbërta të jetë në vazhdimësi, duke u dhënë mundësi zonave të tjera t’i shtohen kësaj skeme. Për të gjithë zonat e bregdetit ndalohet të futesh në det. Qytetarët të mos frekuentojnë plazhet deri në një urdhër të dytë që do përcaktojë si do të veprohet me plazhet,” tha Veliu.
“? POLICIA E SHTETIT përgatitet për Zonat e Gjelbërta dhe kërkon vetëdijësim, mirëkuptim, bashkëpunim nga çdo qytetar!”, shkruan Rama krah videos.
(F.GJ/FAXWEB.AL)
