Bashkia e Tiranës parashikon ndërtimin e 10 kilometrave korsi të dedikuara për lëvizjen e biçikletave.
Ky synim u bë publik dy ditë më poarë nga kryetari i Bashkisë së Tiranës, Erion Veliaj gjatë një takimi të zhvilluar me Ambasadoren e Hollandes, Dewi De Weerd, profesorë të ardhur nga Hollanda dhe Unversiteti i Tiranës, ku u prezantua edhe një studim i posaçëm mbi mundësitë e lëvizjes me biçikleta në kryeqytet.
Por sot, aktivistja “Për Universitetin”, Suzana Kurtallari, ka postuar në Facebook-un e saj një foto, ku i numëron kryebashkiakut Veliaj gjithë “të metat” e punës së tij
Ja çfarë shkruan aktivistja:
S’di dmth..
Pasi na shesin si arritje të Bashkisë zgjerimin e korsive të biçikletave, i fusin nga një stacion autobuzi në 100 metra, pastaj shtrojnë dhe ca pllaka të kuqe për të krijuar iluzionin e korsive.
Në fund Bashkia mendon edhe si të marrim kaloritë e shpenzuara nga pedalimi, duke ndërtuar një kioskë mu në mes të korsive, ku pa problem mund të thyesh kokën (nëse je me fat).
E kur mendon se shpëtove, pak metra më tutje shfaqet parkuar një kamion ngarkim-shkarkimi që ka bllokuar gjithë rrugën, ndersa shoferi kushedi ku po pi ndonjë teke raki.
Saga mbyllet me premtimin e Bashkisë për 10 km te tjera korsi në qytet dhe disa ditë çarje koke në televizor dhe media sociale se sa shumë punon lali Eri.
Sipas Veliajt, falë politikave që ka ndjekur bashkia duke përcaktuar ditë pa makina si dhe duke shtuar korsitë e dedikuara, sot është trefishuar numri i atyre që përdorin biçikletën në Tiranë. (A.R/SHUPLAKA)
