Është zhvilluar ditën e sotme analiza vjetore e “Tirana Parking”. Në fjalën e tij, kryetari i Bashkisë së Tiranës u përqëndrua tek situata e parkimit në Tiranë, një situatë karakterizuar nga kaosi që do të përmirësohet përmes parkimit me pagesë.
Veliaj u shpreh se Tirana do të jetë qyteti i parë ku do të shmanget kontakti fizik mes drejtuesit të mjetit dhe punonjësit të parkingut. Gjithçka do të mundësohet përmes pagesës në mënyrë elektronike.
Ai bëri me dije se në planin e urbanistikës është parashikuar që çdo qindarkë që do të vijë nga parkimet do të përdoret për blerjen e pemëve për qytetin.
“Ju kujtoj që para një viti e gjysmë as nuk diskutohej, deri para një viti e gjysmë vetëm në rrugë e mbi trotuare mund të parkohej. Kemi nevojë ta modernizojmë këtë sistem, ço numrin e targës dhe 10 minuta përpara përfundimit të afatit do të vijë mesazh. Kjo është një teknikë moderne, e sjellim qytetin e Tiranës në të njëjtin rang me qytetet e tjera modern. Kontaktonin në numrin 50500.
Qyteti i Tiranës do jetë qyteti i parë në Shqipëri ku eleminohet kontakti fizik i njerësve. Ka shumë njerëz që thonë “A nuk do ishte mirë ta kishim parkingun pa pagesë”? 200 mijë makina për 4 mijë vende parkimi, kjo ishte situata e mëparshme. Kemi mundësi të kalojmë në një sistem rotacioni që mundësohet vetëm nga pagesa. 50% e trafikut në Tiranë shkaktohej vetëm nga njerëzit që kërkonin vend parkimi. A nuk është më mirë që fitimet t’i shkojnë buxhetit të shtetit sesa kompanive private?
Kemi miratuar planin tonë të urbanistikës, çdo qindarkë që do të vijë nga parkimet do të përdoret për të blerë pemë. Me pagesën e parkimit, qytetari do të sponsorizojë në një pemë.”, është shprehur ndër të tjera Veliaj. (XH.A/SHUPLAKA)
