Vajza e analistit Artur Zheji, Geri Ballo kandidon në zgjedhjet për Parlamentin Evropian, që zhvillohen në datat 23-26 Maj 2019. Dhe duket se mes shumë mbështetësve nga Shqipëria , jo pak surprizë është dedikimi i bërë nga kryebashkiaku i Tiranës Erion Veliaj. Ky i fundit ka shpërndarë dje një spot në mbështetje të Geri Ballos, e shpërndarë nga portali i Artur Zhejit, në ueb dhe rrjetet sociale.
Veliaj e quan Ballon një nga mikeshat e tij, dhe nuk e fsheh dot entuziasmin për arritjen e saj.
Duket se situata mes analistit dhe kryebashkiakut të Tiranës është afruar ndjeshëm kohët e fundit, në ndryshim nga marrëdhënia që ka Zheji me ish-mikun e tij të dikurshëm Edi Rama.
“Erion Veliaj është ‘self made’. Është një zotëri që është bërë vetë cm pas cm dhe shqiptarët e pëlqejnë këtë model. Ndoshta Erioni pavarësisht sulmit, krijon perceptimin se është më pak konfliktual”, u shpreh Zheji ditën kur u shpallen rezultatet e sondazhit të “IPR Marketing” në ekranin e Ora News, vetëm një muaj më parë.
Ndërkohë që dhe në shkrime të tjera, Zheji e ka cilësuar Veliajn si të keqen më të vogël në PS, duke i dhënë kështu bekimin pasardhësit më të mundshëm të Edi Ramës.
Discussion about this post