Kryetari i Bashkisë së Tiranës, Erion Veliaj, ka qenë i pranishëm në rikonstruktimin e “Shkollës së Kuqe”, nga ku bëri me dije se do të rikonstruktohet edhe shkolla “Hoxha Tahsin”, duke u ndalur edhe tek “Pazari i Vjetër”.
“Aktualisht po punojmë në Pazarin e Ri, i cili është zemra ekonomike e Tiranës dhe e traditës, por edhe një vlerë e shtuar për të gjitha investimet dhe pronat aty. Jemi në sprint, që ky vit të na gjejë me një “Shkollë të Kuqe” të rikonstruktuar dhe me shkollën “Hoxha Tahsin” krejt të re, ndërsa në mes të marsit do të hapim Pazarin e Ri, që është pulsi ekonomik i qytetit”, u shpreh kryebashkiaku.
Më tej, ai vlerësoi vendimin e marrë pak kohë më parë nga Bashkia e Tiranës për të zhbllokuar zhvillimin dhe përmirësimin e infrastrukturës në Njësinë nr. 8, që pritet të rrisë edhe më tej ekonominë e qytetarëve.
(XH.A/SHUPLAKA)
