Në nisje të dëgjesës që pati sot me disa nga artistët e teatrit kombëtar dhe arkitektë, kreu i Bashkisë së Tiranës Erion Veliaj tha se kishte fotografuar sms sesi artistët merrnin urdhëra nga PD.
Zyra e shtypit e Bashkisë ka publikuar fotot e dy sms-ve që sipas saj tregon se Sindikata e Artistëve merr urdhra nga zyrtarë të PD-së lidhur me kohen se kur duhet të flasin, si duhet të sillen dhe çfarë duhet të thonë.
Në rast se fotot rezultojnë të jenë të vërteta, atëherë Veliaj duket se ka marrë dhe rolin e paparacit, duke dhunuar dhe privatësinë e personi në fjalë.
“Nga mesazhet e fotografuara qe avokatja militante e PD, Mirela Jorgo, i dërgonte zyrtarëve të PD duket qartësisht se si ishte inskenuar gjithçka, duke nxjerre zbuluar planin e PD për prishjen e dëgjesës. Taulanda Jupi, një nga koordinatoret e protestës se çadrës së Partisë Demokratike, i dërgon urdhra me SMS përmes Mirela Jorgos, duke u kërkuar që të ndërhyjnë dhe të marrin nën kontroll situatën dhe te prishin dëgjesën”, thuhet në njoftimin e zyrës së shtypit të Bashkisë.
Discussion about this post