Një ditë më parë, gazetarja Juli Xhokaxhi denoncoi kërdinë që bëhej poshtë pallatit ku ajo banon, të cilën e ajo përshkruante si një “pamje ekzotike”. Mes plehrave, viheshin re kolltukë të hedhur kushedi që nga kati i pestë i pallatit, nga komshinjtë që i bien për shkurt pa u munduar fare.
E duket se shqetësimi i ngritur nga gazetarja nuk ka rënë në vesh të shurdhër, pasi siç shprehet ajo “çunat e lali Erit nuk kanë vonuar, që në mëngjes kanë nisur punën për pastrimin e oborrit poshtë pallatit”.
“Ja si më mirë sot: Lali Eri nisi çunat që në mëngjes! Shpresojmë të kenë mbaruar komshinjtë me plaçkat për të flakur.”, shkruan ajo fillimisht mëngjesin e sotëm.
Por gazetarja nuk e lë me kaq, paksa me kritikë ajo shprehet se duhet hapur goja që të vijë ndihma dhe të ndërhyhet. Megjithatë, “dorëzohët” duke u shprehur se në këtë rast lali Eri meriton falenderim.
“Aksion… duhet hapur goja që të vijë ndihma! T’i them bravo lali Erit në këtë rast? Nuk iu vjen keq besoj.”, shkruan gazetarja. (XH.A/SHUPLAKA)
[ngg_images source=”galleries” container_ids=”1113″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
