Kryetari i Bashkisë së Tiranës, Erion Veliaj, ka mirëpritur sot kryetarin e Bashkisë së Vienës, Michael Häupl, të cilin e ka nderuar duke i dhënë “Çelësin e Tiranës”. Në takim me të, Veliaj e vlerësoi për modelin e qeverisjes së pushtetit vendor dhe theksoi se Viena shërben si një pikë reference për mënyrën e menaxhimit të qyteteve.
Më tej, kryebashkiaku i Tiranës ha se Bashkia e Tiranës dhe ajo e Vienës janë në fazën e konceptimit të disa projekteve për të dy qytetet në lidhje me fondet europiane:
“Tirana ka shumë për të mësuar, se si përtej menaxhimit të mirë që i bën parave vendase, të ketë akses edhe në fondet e bashkimit Europian, ku sot si shtet kandidat me një qytet si Viena që është shumë i zhdërvjellët në fondet evropiane, të kemi edhe përfitime për qytetin e Tiranës”, u shpreh ai.
Mësohet se Bashkia e Vienës do t’i dhurojë kryeqytetit disa nga stolat karakteristikë të Vienës të lagjes së saj muzeale të cilat do të vendosen në sheshin “Skënderbej”.
(XH.A/SHUPLAKA)
Discussion about this post