Kryetari i Bashkisë së Tiranës, Erion Veliaj, inspektoi së fundmi punimet për rrugët e reja tek “Depoja e Ujit” në Njësinë nr. 2 në kryeqytet.
Referuar zyrës së shtypit të bashkisë, mësohet se ka nisur puna për ndërtimin e dy rrugëve të reja që të çojnë në këtë zonë, të cilat vijnë si zgjatim i rrugëve “Budi” dhe “Mihal Grameno”.
Gjatë inspektimit të tyre, ndër të tjera Veliaj kërkoi mirëkuptimin e banorëve për problemet që mund të shkaktohet gjatë punimeve, si me trafikun, ashtu edhe me zhurmat e makinerive të rënda.
Ai bëri me dije se gjatë verës puna do të shtohet më shumë për të shfrytëzuar kohën kur në Tiranë ka më pak lëvizje.
“U kërkoj ndjesë banorëve, që teksa bëjmë disa punime që kërkojnë mjete të rënda, të tregojnë edhe ata kujdes gjatë kohës që lëvizin në këtë territor. Do mundohemi ta mbarojmë përpara afatit 6-mujor, siç kemi mbaruar çdo punë tjetër para afatit. Jam i bindur se historia e suksesit do përsëritet edhe këtu.”, u shpreh Veliaj.
(XH.A/SHUPLAKA)
Discussion about this post