Kryebashkiaku i Tiranës, Erion Veliaj, ka njoftuar përmes një postimi në rrjetet sociale se vijojnë punimet për sistemimin e shtresave asfaltike në rrugën “Pjetër Budi”, pranë Qytetit Studenti.
“Në rrugën “Pjetër Budi” pranë Qytetit Studenti, po vijojmë me sistemimin e shtresave asfaltike të dëmtuara 🚧 për të siguruar lëvizje më të sigurta dhe rrugë më cilësore për qytetarët”, thekson Veliaj në postimin e tij, duke ndarë gjithashtu pamje nga punimet që po kryhen në këtë zonë.
Ndërhyrja synon të përmirësojë ndjeshëm kushtet e qarkullimit për banorët dhe kalimtarët, duke e kthyer këtë rrugë në një standard më të lartë sigurie dhe funksionaliteti.
Kjo është një nga shumë projektet infrastrukturore që Bashkia e Tiranës po realizon për të rritur cilësinë e jetës në kryeqytet.
