Ndryshimi i orarit të punës do të sillte zgjidhje për problemin e trafikut në kryeqytet, këtë do të deklaronte dje kryetari i Bashkisë së Tiranës Erion Veliaj.
“Po mendojmë edhe për zgjidhje të tjera, pra si mund që me disa nga institucionet punëdhënëse të koordinojmë oraret, ku jo çdo institucion të fillojë punë në të njëjtin orar. Kjo na jep mundësi që ta sfazojmë pak fluksin e mëngjesit, duke e ndarë në disa fasha orare”, tha Veliaj.
Por ky propozim ka gjetur reagimin e një aktiviste. Ajo është Rezarta Caushaj. Këtë propozim ajo e quan interesant për disa arsye pasi kjo është një tregues i qartë i papërgjegjshmërisë së Bashkisë. Ajo e quan qesharake këtë vendim sepse nuk mund të zhbllokohet trafiku me ndryshim oraresh.
Statusi i aktivistes:
Ky propozimi i Bashkisë për zhbllokimin e trafikut është interesant në vetvete për disa arsye.
1. Bashkia nuk merr asnjë përgjgjësi për trafikun e tmerrshëm që na ka pllakosur.
2. Bashkia vetë nuk ka ndërmend, si rrjedhim, të marr asnjë masë për të përmirësuar situatën.
3. Është tërësisht në linjë me pretendimet e rregullta të Z. Veliaj & Co bazuar në klishen që tërë Tirana shkon te furra e bukës me makinë e ndaj bllokohet trafiku.
4. Duke qënë se fajtorët jemi ne, atëherë jemi po ne që duhet të përshtatemi, të ndryshojmë jetën tonë, oraret e punës, daljes etj.etj, që t’ia lehtësojmë punën e lodhshme Bashkisë.
5. Edhe njëherë tregon se Bashkia jo vetëm është tërësisht qesharake, por që vuan edhe nga mungesa e përgjegjshmërisë, mungesa e ideve, mungesa e zgjidhjeve efektive për problemet madhore të qytetit.
6. Bashkia, që e ka bllokuar Tiranën me projekte pa plane, nuk ka ndërmend të investojë te trasporti publik si çdo vend i zhvilluar, si e vetmja mënyrë efektive për rregullimin e fluksit të trafikut.
7. Si gjithmonë Bashkia i jep vetes kompetenca ligjbërëse e ekzekutive që nuk ia jep Kushtetuta.
Orari i punës së institucioneve rregullohet nga organe si Departamenti e Administratës Publike, jo me një të rënë të lapsit të Z. Veliaj. (E.K/SHUPLAKA)
