Kryetari i Bashkisë së Tiranës sapo është kthyer nga Universiteti i Harvardit, i cili do të nisë një program asistence teknike për zhvillimin urban dhe inovacionin në qytetin e Tiranës.
Konkretisht, Bashkia e Tiranës do të presë gjatë verës me bursa të Harvardit studentët më të talentuar nga Masteri i Graduate School of Design & Urban Planning që do të punojnë në departamentin e planifikimit urban me projekte që kanë të bëjnë me Planin e Përgjithshëm Vendor të kryeqytetit, i sapomiratuar nga Këshilli Bashkiak.
Ai ishte i pranishëm në konferencën e zhvilluar dje në Universitetin e Harvardit në SHBA, ku u prezantua vizioni i Planit të Përgjithshëm Vendor të Tiranës, si dhe shpallja e programit të bursave Harvard-Tirana për studentët e Masterit në planifikimin e urbanistikën e Kryeqytetit shqiptar.
Më 29 dhjetor 2016, Këshilli Bashkiak miratoi Planin e ri të Përgjithshëm Vendor për Tiranën, i titulluar “Tirana 030”. Dokumenti me 1200 faqe është baza për planifikimin dhe zhvillimin e qytetit në trembëdhjetë vitet e ardhshme dhe përshkruan një seri projektesh urgjente e të nevojshme për kryeqytetin. (XH.A/SHUPLAKA)
Discussion about this post