Kreu i Bashkisë së Tiranës, Erion Veliaj gjatë analizës së ndërrmarjes ka falënderuar punëtorët e saj duke e cilësuar punën e tyre në kryeqytet si të shkëlqyer.
Veliaj tha se Bashkia duhet të vazhdonte me këtë ritëm punën për të pasur një qytet me standarde evropiane. Në fjalën e tij Veliaj preku disa nga problematikat e qytetit si: ndriçimi në rrugë, sinjalistika, transporti publik apo vaditja e kullimi. Kryebashkiaku gjithashtu lajmëroi se duke filluar nga pranvera, qeset plastike që shiten nëpër supermarkete do të blihen me pagesë simbolike, sepse në këtë mënyrë qytetarët do t’i përdorin më pak ato sepse në këtë mënyrë qytetarët do t’i përdorin më pak ato, dhe në këtë mënyrë sipas Veliajt qeset nuk do të bëhen më shkak i bllokimit të kanaleve në kryeqytet.
“Secili meriton mirënjohje të thellë nga unë dhe të gjithë qytetarët. Ju punoni tërë kohës dhe shyqyr po jua shoh fytyrat tani sepse ngaqë punoni të gjithë kohën jeni me kapuçë në kokë. Keni bërë shumë punë, sidomos në rrugët kryesore, me një buxhet të limituar. Do doja të vazhdonit me këtë ritëm e të siguroheshim ku askush mos të ketë asnjë alibi për distanca të vogla, dhe askush mos e çojë ndër mend të marrë makinën për kaq pak rrugë. Nr.1 i aksidenteve në Tiranë ishin njerëzit që binin në puset, aq banal ishte bërë qyteti. Në mijëra puseta shumica janë zëvendësuar me plastikë beton, duke u munduar të sillemi më zgjuar se hajdutët sepse ato me të vërtetë blihen më shtrenjtë por nuk i vjedh më njeri sepse nuk shiten. Falë aplikacionit tonë gjithashtu qytetarët na raportojnë në kohë reale problemet, dhe dispatcher-et tonë e zgjidhin menjëherë.”, tha Veliaj. (J.V/Shuplaka)
Discussion about this post