Punimet në Parkun e Liqenit duket se nuk kanë përfunduar nga ana e bashkisë së Tiranës. Kryetari i kësaj bashkie, Erion Veliaj ka urdhëruar hedhjen e betonit për të ndërtuar 3 fusha mini-futbolli pak më lart se parku i lojërave pranë bustit te vëllezërve Frashëri në Parkun e Liqenit.
Momenti i mbërritjes së betoniereve në këtë park shfaqet në këtë video të publikuar nga Syri.net. Qytetarët janë shfaqur të çuditur kur kanë parë sërish betonieret të mësyjnë në Kodrat e Liqenit. Po kështu pranë këtij ndërtimi nuk vërehet asnjë tabelë që njofton fillimin e këtyre punimeve apo që të konfirmojë lejen e ndërtimit për këtë projekt të ri, raporton Syri.net. (J.V/Shuplaka)
Discussion about this post