Kreu i Bashkisë së Tiranës, Erion Veliaj i ftuar në emisionin“Tonight Ilva Tare” është shprehur se nuk do të tërhiqet nga rritja e ujit të pijshëm, duke shtuar se rritja e çmimit ka efekt psikologjik tek konsumatorët për ta kursyer atë.
Ndërkohë Veliaj solli rastin e taksës prej 5 lekësh për qeset plastike.
“Ti mendoj se unë e bëj me kënaqësi këtë? Unë e vë veten në pozitën tënde. Unë nuk kam fare kënaqësi. Në jetën prej vërteti gjërat kushtojnë. Është pesëfishuar Tirana, ndërkohë ne kemi burimet e xhaxhit. Unë nuk dorëzohem. Ta di që e gjithë qenëria e Tiranës të më vihet pas, unë për një gjë që është e drejtë dhe që është shpëtim për këtë qytet, unë nuk i ndahem.
Më mirë të më masakrojë qenëria, se sa të dorëzohem në këtë mision që më është dhënë nga ky popull. Në Korçë, është 99 lekë dhe vetëm nga ideja që kushton e kursejnë. Marrim qeset plastike. Vetëm vendosja e kostos 5 lekë i bëmë më shumë se gjysmën e njerëzve që të marrin shishen në dorë. Nuk është fenomen shqiptar. Është kthyer trajsa në modë. Thonë trajsa është nona!”, u shpreh Veliaj.
9S.SH/Shuplaka)
Discussion about this post