“Turp ta them por e ha në zyrë drekën, ha sufllaqe”. Kështu ka treguar që prej mëngjesit të ditës së sotme kreu i bashkisë së Tiranës Erion Veliaj përsa i përket se çfarë konsumon zakonisht për drekë.
Më tej i buzëqeshur Veliaj ka theksuar se gruaja e tij është shumë e mirë në gatim por atij nuk i del koha që të konsumojë çdo ditë ushiqmin e gatuar prej saj pasi sipas tij ka një ditë plot të ngarkuar me punë. E në këtë mënyrë detyrohet që të hajë në zyrë sufllaqe.
“Ditën e nis herët dhe nuk kam ndonjë krenari për këtë. Ne jemi një mentalitet që themi; a të kaloj për një kafe. Zgjohem në 6, 6 e çerek jam në zyrë. Më merr një bllok kohe në mes dreka. Ajola është e supertalentuar në gatim. Di të bëjë gjithçka.”, është shprehur Veliaj për gruan e tij.
Por na lind pyetja a gatuan ndonjëherë kreu i bashkisë? I pranishëm në ‘Këndin e ekselencës”, Veliaj ka treguar edhe sesa i aftë është vetë në guzhinë.
“Unë nuk di të gatuaj, kam gatuar dhe s’kam talent. Është minus për mua, por është plus fakti që jam i ndershëm se e pranoj.”, ka treguar Veliaj. (J.V/Shuplaka)
Discussion about this post