Erion Veliaj ka dhënë një intervistë “ndryshe” për emisionin “Me Shukin” në RTV Dukagjini të Kosovës. Na ka treguar dejtaje nga jeta e tij personale. Në këtë rrëfim Veliaj ka treguar se ka pasur edhe një të dashur nga Kosova. “Kam pasur motit, kur kam jetuar në Kosove. Ne 1999-2000”, u shpreh Veliaj.
Por gazetari e pyet edhe më tej për legalizimin e drogës dhe kryetari i bashkisë thotë se shoqëria dhe vendi nuk është gati për këtë hap.
“Unë e kam provu, s’jam shumë krenar për këtë. Por, kjo është një gjë që e ka bërë çdo adoleshent që është rritur në Tiranë”, thotë Veliaj. Kruan zërin dhe krijohet një farë pauze. Kryebashkiaku vazhdon: “Por besoj që është tjetër gjë, diçka që një adoleshent e provon për kuriozitet dhe është tjetër gjë diçka një qeveri që e promovon aktivisht. Unë mendoj që problemin do ta zgjidhte legalizimi në Itali, se kështu do të binte oferta. Nuk jam për legalizim në Shqipëri, se ne nuk menaxhojmë dot eksesin”, tha Veliaj. (J.V/Shuplaka)
