Një ditë pas vendimit për rritjen e çmimit të ujit të pijshëm, kryetari i Bashkisë Erion Veliaj ka shkarkuar nga detyra 3 zyrtarë që vijnë nga radhët e Lëvizjes Socialiste për Integrim.
Mësohet se nga detyra janë shkarkuar drejtori i Ndërmarrjes numër 3 të kryeqytetit Artjon Çaushllari, administratori i Njësisë Farkë Mateo Shaba, si dhe drejtoresha e qendrës sociale në Shkozë Kajame Sinani.
Ende nuk dihen arsyet e shkarkimit të tre zyrtarëve të LSI-së, mirëpo ky vendim vjen një ditë pasi LSI u distancua nga akti i 2 këshilltarëve të LSI-së, Genta Mezini dhe Agmin Kraja të cilët votuan pro rritjes së çmimit të ujit.
Ndërkohë pak më parë, nënkryetarja e bashkisë Brunilda Paskali, e cila gjithashtu vjen nga radhët e LSI-së dha dorëheqjen nga posti. (D.D/Shuplaka)
Discussion about this post