Me nismën më të fundit të Erion Veliajt, Tirana do jetë kryeqyteti i parë në rajon që ndalon përdorimin e qeseve plastike në furrat e bukës.
Kryetari i Bashkisë ka arritur sot marrëveshjen me prodhuesit e bukës në kryeqytet e cila parashikon zëvendësimin e qeseve plastike me ato prej letre në ambalazimin e bukës.
Veliaj tha kjo do mbrojë mjedisin nga ndotjet por dhe shëndetin e qytetarëve. Po a do të zbatohet kjo?! Se përshembull nisma tjetër ajo e qeseve me para në markete nuk është e zbatueshme në të gjithë territorin e Tiranës. A do të shiten qese letre vetëm në hapësirën rreth e rreth qendrës?!
“Linja e ambalazhimit të bukës nga qese plastike në prej letre. Ne bëjmë një revolucion dhe në dallin nga ato firmat ne i hedhim për qokë, kjo është e vërtetë dhe që nesër na jep rezultat në qytetin e Tiranës. Jemi avangardë pasi nuk ka qytet tjetër në ballkan që e ka bërë këtë. Sigurisht që do na kopjojnë.
E bëmë me supermarketet, tashmë do ta bëjmë edhe me furrat e bukës. Vende shumë më të varfra se ne janë shumë të rrepta për ndotjen. Në Ruanda p.sh ndalohet kategorikisht pëdorimi i qeseve. Në këtë mënyrë ne do të vazhdojmë. Në kenia dënohen me burg prodhuesit e qeseve plastike. Jemi në kohë, s’do e bëjmë me burg dhe as me embargo por jemi në fazë ku duhet ta marrim seriozisht çështjen e mjedisit”, thotë Veliaj.
Ndërkohë që shumë prej nesh janë dëshmitarë se në disa prej marketeve në zonat periferike të qytetit, qeset plastike janë ende pa pagesë… (E.K/SHUPLAKA)
Discussion about this post