Veliaj uron gratë, por s’harron të flasë gjerë e gjatë për punën e tij

Kryetari i Bashkisë së Tiranës, Erion Veliaj, ka uruar gratë në ditën e tyre përmes punës së Bashkisë, duke renditur të gjitha nismat që Bashkia e qytetit ka marrë në të mirë të banorëve.

Ai u ndal tek ndërtimi i këndeve të lojërave, tek çmimet e ulta të çerdheve e kopshteve, si dhe tek kreditë e buta për marrjen e banesave sociale.

“Nënat janë shprehur se këndi i lodrave i ka lehtësuar punën, edhe gjysheve. Është rritur numri i fëmijëve të shkolluar. Çerdhet dhe kopshtet janë të një cilësie më të lartë dhe me çmime më të ulta.

Dhuna në familje është në shifra alarmante dhe ka ende nevojë për ndërhyrje. Këshilli Bashkiak mori vendimin për dhënien e 1.000 kredive të buta. Paqja mendore e një gruaje që është në shtëpi të vet është e pakrahasueshme.”, është shprehur kryebashkiaku.

Ditën e sotme, kryetari i Bashkisë së Tiranës firmosi Kartën Lokale për Barazi Gjinore, duke u zotuar se do të vazhdojë të bëjë sikundër ka bërë dje apo gjatë kohës që ishte ministër. (XH.A/SHUPLAKA)