Kryetari i Bashkisë së Tiranës, Erion Veliaj pas vizitës në Komunitetin Mysliman Shqiptar me rastin e festës së Kurban Bajramit uroi të gjithë shqiptarët.
Veliaj theksoi se në ditën e Kurban Bajramit të gjithë të tregohen solidarë, por ky solidaritet duhet të na ndjekë në çdo ditë. Në këtë kuadër ai sqaroi se Bashkia e kryeqytetit do jetë e pranishme me shpërndarjen e vakteve në qendrat sociale dhe aty ku kanë nevojë të pamundurit.
“Do shpërndajmë vaktin e Bajramit për njerëzit në nevojë. Qyteti i Tiranës do vazhdojë të tregojë solidaritet, kjo s’është festë për mish por për dashuri e kujdesje. Me të njëjtën mirësi që funksionojmë sot duhet të jemi çdo ditë”, tha ai. (J.V/Shuplaka)
Discussion about this post