Kryetari i Bashkisë së Tiranës Erion Veliaj përuroi dje një shtim të urbaneve në zonën e Unazës në Tiranë. Duhet thënë një nga zona më problematike të kryeqytetit. Po ama çudia me Veliajn nuk ka të sosur pasi sa herë që ai zgjedh të bëjë një udhëtim me urban, njerëzit e pranishëm aty janë gjithnjë të pakët.
Kjo për të treguar se urbanët nuk kanë mbipopullim dhe se njerëzve nuk iu duhet të shtypen për të qëndruar aty. Mirëpo krejt tjetër paraqitet situata në mëngjes dhe drekë, ku çdo personi që i duhet të marrë të paktën njëherë në ditë urbanin i ‘’plaset’’ koka sa në shpatullën e bashkëvuajtësve sa në xhamin e urbanit.
Ndërkohë i duhet të durojë jorrallëherë dhe arrogancën e faturinove që nuk zbatojnë as kushtet minimale etike. Ndërkohë në foton e Veliajt faturinoja duket komform të gjitha rregullave, me uniformën e punës, madje dhe me ‘’bexhën’’ identifikuese me emër dhe mbiemër. (E.K/SHUPLAKA)
Discussion about this post