Kryetari i Bashkisë Erion Veliaj gjatë ditës së djeshme zgjodhi të inspektonte linjat e transportit urban në kryeqytet.
Ai zgjodhi pikërisht linjën e re të Kasharit që është vënë së fundi për të treguar ndryshimet që ka pësuar transporti urban në kryeqytet.
Në fotot e servirura nga vetë Bashkia gjithçka duket me ngjyra, mirëpo qytetarët e Tiranës e vuajnë çdo ditë në kurriz problemin e orarëve të urbanëve, vonesat e tyre apo mbipopullimin.
Vetë Veliaj nuk dimë pse nuk ka zgjedhur një tjetër linjë dhe me më shumë ngarkesë njerëzish, apo një orar që kanë fluks lëvizjesh.
Madje Veliaj e quajti si sukses të tij edhe faktin që çmimi i biletës së Kasharit është ulur me 10 lekë, por ama Veliaj harron se Kashari tashmë është pjesë e Bashkisë së Tiranës si shkak i Reformës Territoriale.
Edhe fotot , edhe orari, edhe linja, të servirura nga Veliaj duken mjaft bukur, ndërkohë që realiteti i Tiranës është krejt tjetër. Nga ajo që serivirin pamjet e Bashkisë çdokush do ta kishte dëshirën të udhëtonte me urabn, po në fakt realiteti të ofron krejt të kundërtën. (E.K/SHUPLAKA)
[ngg_images source=”galleries” container_ids=”1006″ sortorder=”4946,4943,4944,4945,4947,4948″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
