Gjykata ka vendosur të lërë në fuqi vendimin e Shkallës së Parë për projektin “Veliera” në Durrës. Konkretisht, është lënë në fuqi vendimi për pezullimin e punimeve në pjesën e sipërme të rrugës.
Por ky vendim i gjykatës nuk është mirëpritur nga Shoqëria Civile që është mbledhur përpara godinës së kësaj gjykate, ku kërkon që të kryhen gërmime në atë zonë ku janë zhvilluar punime.
“Të zhvillohen gërmime arkeologjike përpara Torrës, të kryhen gërmimet në zonën ku u zhvilluan punimet”, mësohet të kenë thënë ata.
Gjykata Administrative mori në 16 shkurt vendimin për të ndërprerë punimet për shkak të rrënojave të gjetura gjatë punimeve. Por pavarësisht urdhrit të Gjykatës Administrative, është vijuar të hidhet beton në afërsi të zonës së mbrojtur.
Ndërsa në një seancë të fshehtë të mbajtur në fillim të muajit Mars në Gjykatën e Durrësit, u vendos të merreshin pjesërisht në konsideratë kërkesa e Prokurorisë që kërkoi sekuestro preventive për “Velierën”, konkretisht pezullimin e plotë të punimeve.
(XH.A/SHUPLAKA)
Discussion about this post