Në lidhje me çështjen e punimeve në sheshin e Durrësit, “Velierës”, dosja e së cilës ka mbetur në Gjykatën Administrative të Durrësit, e cila sot duhej të jepte një vendim për vazhdimin ose bllokimin përfundimtar të projektit, avokatja Mirela Jorgo e ftuar në “Fax News” ka deklaruar se palës së paditur po I jepet mundësia që t’i sistemojë gjërat, pasi sipas saj po zvarritet pafund vendimi.
Ajo deklaroi se gjyqtarët janë madje nën presion për të marrë një vendime për vazhdimin ose pezullimin e punimeve. Ajo tha gjithashtu se dosja është e kopsitur mirë dhe nëse nuk e gjejnë të drejtën në drejtësinë shqiptare do ti drejtohen edhe Strasburgut.
“ Kostoja është e jashtëzakonshme. 6 milionë euro po hidhen në një perlë. Ata kërkojnë heqjen e masës së pezullimit.
Fakti që gjykata Administrartive i jep akoma kohë Bashkisë së Durrësit tregon që gjyqtarët janë nën presion, ata kërkojnë marrje kohe për ta shfrytëzuar në të mirën e tyre. Provat janë të kopsitura aq mirë sa nuk kanë ku shkojnë. Por ky gjyq mund të kishte përfunduar që në maj por vazhdojnë të hedhin topin sa andej këtej.
Kjo tregon se gjyqtarët janë nën presion. Veliera ka për të hyrë në histori si një çështje ku është shkelur në mënyrë flagrante ligji për trashëgiminë kulturore.
Do të shkojmë në Strasburg dhe jam krenare për përpjekjet e mia, është në shkelje të plota me trashëgiminë kulturore”, tha Jorgo në Fax News. B.H/Faxweb)
Discussion about this post