Në kuadër të planit operacional “Plazhi i lirë”, Policia në Velipojë ka ushtruar kontrolle për lirimin e hapësirave publike dhe verifikimin e subjekteve gjatë sezonit veror.
Gjatë kontrollit në rrugën nr. 9 në Velipojë, janë konstatuar dy raste të zënies së pronës publike pa leje:
-
Shtetasi A. H., 63 vjeç, banues në Shkodër, kishte zënë dhe përshtatur hapësirën për ambiente me qëllim përfitimin.
-
Shtetasi T. Q., 44 vjeç, banues në Velipojë, kishte ndërtuar një objekt me konstrukt metalik pa leje.
Materialet procedurale janë referuar në Prokurorinë e Shkodrës, ku ka nisur procedimi penal për veprat “Pushtimi i tokës” dhe “Fshehja e të ardhurave”.
Drejtoria Vendore e Policisë Shkodër apelon tek qytetarët që të bashkëpunojnë dhe të denoncojnë çdo shkelje në numrin 112, për të garantuar sigurinë dhe qetësinë e pushuesve në Velipojë.
