Strukturat e Drejtorisë Vendore të Policisë Shkodër vazhdojnë me aksionin në zbatim të ligjit “Për shpalljen e moratoriumit të gjuetisë në Republikën e Shqipërisë”.
Gjatë aksionit të tyre në Velipojë, në vendin e quajtur Sektor janë bllokuar 3 armë gjahu të cilat përdoreshin për ushtrim të gjuetisë së paligjshme.
Kapja e cila është kryer në bashkëpunim me Inspektorët e Drejtorisë së zonave të mbrojtura ka përfunduar me proçedimin administrativ të tre shtetasve, indentiteti i të cilëve nuk bëhet i ditur.
DEKLARATA E POLICISË:
Vijon puna nga Strukturat e Drejtorisë Vendore të Policisë Shkodër për parandalimin, evidentimin dhe goditjen e rasteve të gjuetisë së paligjshme. Bllokohen 3 armë gjahu nga Policia në momentin e konstatimit të ushtrimit të gjuetisë së paligjshme. Procedohen administrativisht 3 shtetas për gjueti të paligjshme.
Në zbatim të planit të masave për parandalimin, evidentimin dhe goditjen e rasteve të gjuetisë së paligjshme dhe në zbatim të ligjit “Për shpalljen e moratoriumit të gjuetisë në Republikën e Shqipërisë”, Policia ka marrë informacion se në vendin e quajtur Sektor, Velipojë, tre shtetas kryenin gjueti të paligjshme.
Menjëherë shërbimet e policisë në bashkëpunim me Inspektorët e Drejtorisë së zonave të mbrojtura, kanë konstatuar këto shtetas, ku dhe ju bë bllokimi i armëve të gjahut, dhe u ndëshkuan me masë administrative. Shërbimet e policisë edhe në ditët në vijim do të vazhdojnë punën për zbatimin e ligjit “Për shpalljen e moratoriumit të gjuetisë në Republikën e Shqipërisë” dhe ndëshkimin e tyre me masë administrative.
(B.N/SHUPLAKA)
