Analisti Lulzim Veliu në një intervistë për FaxNews është shprehur se 17 vjetori i Pavarësisë nuk e gjen në stadin e duhur Kosovën.
Në intervistën e tij me Albi Rakip ai është shprehur se ato kanë ngecur dhe në marrëdhënie me aleatët dhe me Shqipërinë nuk janë aty ku duhet marrëdhëniet.
“Mendoj se pavërsia e Kosovës është një rezultat i madh pas vuajtjeve dhe saktificës së Kosovës për të ardhur deri të Lufta e Kosovës qe me në fund të gëzojë pavarësinë, për fat të keq nuk po arrihen pritshmeritë e ëndërruara dhe 17 vite pas pavarësisë ne kemi ngecuar dhe nuk po ecim para në asgjë. 17 vjetori e gjen në një stad të keq persa i përket marrëdhënieve ndërkombëtarëve si me SHBA me BE që kemi masa ndëshkuese edhe me Shqipërinë që nuk janë marrëdhëniet aty ku duhet”, ka thënë ai.
Veliu ndër të tjera ka theksuar se tashmë është momenti për tu bashkuar në unitet dhe për të lënë pas interesat vetjake të gjithësecilit.
“Kemi të bëjmë me nje politikë shumë nacionale populiste që marrëdhëniet të mos jenë në stadin e duhur, për katër vite kemi pasur forcën e vetme politike që ka pasur në program bashkimin kombëtar, por që në fakt nuk ishte një gjë e tillë e pasqyruar deri më tani. Në 17 vjetorin e pavarësisë së Kosovës bëj thirrje partive të lënë inatet personale dhe të shikojnë interesat e popullit dhe jo të vetat personale, por duhet që të lënë pas interesat dhe të krijojnë një qeveri një unitet për arritjen e aspiratave ndërkombëtare që të arrihet një marrëveshje përfundimtare me Serbinë e me pas dhe me marrëdhënien euroatlantike”, ka thënë ai.
Discussion about this post